TOShKENT, 3 apr — Sputnik. MDHga a’zo davlatlar Xalqaro iqtisodiy forumi doirasida “MDH va YeOII mamlakatlarida tashqi savdo, bojxona boshqaruvi mexanizmlarini takomillashtirish” sessiyasi bo‘lib o‘tdi. Bu haqda Yevroosiyo iqtisodiy komissiyasi (YeIK) saytida xabar berildi.
Unda YeIKning Bojxona qonunchiligi va qo‘llash amaliyoti departamenti direktori Sergey Vladimirov Yevroosiyo iqtisodiy ittifoqida bojxona faoliyatini tartibga solishni rivojlantirish istiqbollari to‘g‘risida ma’ruza qildi.
Sergey Vladimirov seksiya ishtirokchilariga 2025-yil Strategiyasini amalga oshirish bo‘yicha komissiyaning elektron tijorat masalalari, yagona bojxona tranziti tizimini rivojlantirish, shu jumladan navigatsiya plombalaridan foydalanish bo‘yicha ma’lumot berdi. U ayrim toifadagi tovarlarni bojxona chegarasi orqali olib o‘tishni soddalashtirishga qaratilgan YeOII Bojxona kodeksiga o‘zgartirishlar kiritish bilan bog‘liq ishlarga batafsil to‘xtalib o‘tdi, shuningdek, vakolatli iqtisodiy operatorlar institutini rivojlantirish rejalari bilan o‘rtoqlashdi.
YeIK bojxona departamenti rahbari 2030-yil deklaratsiyasini amalga oshirish doirasida bojxona faoliyatini tartibga solishni yanada takomillashtirish istiqbollariga to‘xtaldi.
Sergey Vladimirov YeOIIning Bojxona kodeksiga ayrim toifadagi tovarlarni Ittifoqning bojxona chegarasi orqali olib o‘tishni soddalashtirishga qaratilgan bir qator muhim o‘zgartirishlar va “tashish”ga oid bir qator normalarni takomillashtirish to‘g‘risida ma’lumot berdi. Sergey Vladimirov ushbu tuzatishlarning amalga oshirilishi tranzit yuk tashish hajmini oshirish, yetkazib berish xavfsizligi darajasini oshirish va savdo to‘siqlarini kamaytirishga yordam berishini ta’kidladi.