TOShKENT, 26 mar — Sputnik. Postsovet hududida integratsiyaning barcha turlari samarali, ularning salohiyati to‘liq ochilmagan, munosabatlarning sheriklik xususiyati paydo bo‘lgan muammolarni konstruktiv tarzda yengib chiqishga imkon beradi. Bu haqda Rossiya prezidenti matbuot kotibi Dmitriy Peskov ma’lum qildi, deb yozmoqda RIA Novosti.
Uning so‘zlariga ko‘ra, hozir MDH mamlakatlari “o‘z rivojlanish trayektoriyasiga ega, biroq ularning umumiy integratsiya jarayonlariga sodiqligi saqlanib qolayotganini” ta’kidladi.
“Biz Belarus bilan eng ilg‘or integratsiyaga egamiz, bu bizning eng yaqin hamkorimiz va ittifoqdoshimiz. Bizda aslida YeOIIga a’zo davlatlar bilan umumiy iqtisodiy makon mavjud. Siyosat, xavfsizlik va boshqalar bilan bog‘liq hamkorlikning boshqa formatlari mavjud. Ushbu integratsiyaning barcha turlari samarali, ularning salohiyati hali to‘liq ochilmagan”, — dedi u.
“Albatta, qayerdadir muammolar paydo bo‘ladi — gap bunday yaqin o‘zaro aloqalar haqida ketganda, buni muammosiz amalga oshirib bo‘lmaydi. Ammo munosabatlarning sheriklik xususiyati bularning barchasini konstruktiv tarzda yengish imkonini beradi”, — deya qo‘shimcha qildi Peskov.