TOShKENT, 26 mar — Sputnik. AQSh Kongressi o‘tgan shanba kuni ma’qullagan Kiyevga ajratilgan 300 million dollarlik moliyaviy yordam paketi 2023-yilning noyabrida, mamlakat hukumati mablag‘ yetishmasligi sababli yopilishning oldini olishga uringan paytda sarflangan edi. Bu haqda "Politico" AQSh prezidenti Jo Bayden ma’muriyatining ismi oshkor qilinmagan rasmiysiga tayanib xabar berdi, deb yozmoqda RIA Novosti.
“Ukraina xavfsizlik tashabbusi puli shanba kuni prezident Jo Bayden tomonidan imzolangan 1,2 trillion dollarlik hukumat budjeti paketining bir qismi edi. Ammo aslida pullar noyabr oyida, Pentagon moliyalashtirishni davom ettirish bo‘yicha vaqtinchalik rezolyutsiya asosida ishlayotgan paytda ajratilgan edi”, — deb yozadi nashr.
Nashr manbasiga ko‘ra, mablag‘lar “hozircha foydalanish uchun mavjud emas”.
Gazetaning ta’kidlashicha, ularning taqsimlanishi asosan ramziy ma’noga ega edi: agar ulardan foydalanish mumkin bo‘lsa ham, ular jang maydonidagi vaziyatni o‘zgartirmaydi.