TOShKENT, 11 mar — Sputnik. Yevroosiyo iqtisodiy komissiyasining (YeIK) Sanoat siyosati departamenti Yevroosiyo iqtisodiy ittifoqi (YeOII) davlatlarining 30 tadan ortiq banklari vakillariga sanoat kooperatsiyasini moliyalashtirish mexanizmi va uni amaliy amalga oshirish bo‘yicha tqdimot o‘tkazdi, deya xabar berdi komissiya matbuot xizmati.
Ishtirokchilarning qiziqishini inobatga olgan holda loyihalarni tanlash mezonlari, qarz oluvchilar va moliya institutlariga qo‘yiladigan talablar, mavjud loyihalarni qayta moliyalashtirish imkoniyatlari, shuningdek, mexanizmni amalga oshirish jarayonida yuzaga kelishi mumkin bo‘lgan xatarlar batafsil ko‘rib chiqildi.
Bu YeOIIda iqtisodiyotning real sektorini moliyaviy qo‘llab-quvvatlashning birinchi milliy oliy vositasidir. YeIK sanoat siyosati departamenti direktori o‘rinbosari Georgiy Arzumanyanning so‘zlariga ko‘ra, hozir u tajriba rejimida ishga tushirilmoqda va bu bosqichda loyiha ishtirokchilarida ko‘plab savollar bor.
“Biz uchun har bir inson yangi mexanizm qanday ishlashini aniq tushunishi juda muhim, shu bois barcha manfaatdor tomonlar bilan faol tushuntirish ishlari olib borapmiz. Biz yangi vositamizning eng muhim tarkibiy qismi bo‘lgan banklar bilan ishlashga alohida ahamiyat beramiz. Savollar tug‘ilsa, biz mamlakatlarimiz moliya institutlariga har tomonlama maslahat yordamini ko‘rsatishga tayyormiz”, — dedi u.