TOShKENT, 4 mar — Sputnik. Rossiya bilan strategik barqarorlik bo‘yicha muloqotni boshlash istagini bildirgan G‘arb davlatlari, aslida, konvensiya doirasida taqiqlangan jangovar zaharli moddalarni ishlab chiquvchilar va Ukrainaga yetkazib beruvchilardir. Bu haqda Rossiya Federatsiyasi sanoat va savdo vazirligi rahbari o‘rinbosari Kirill Lisogorskiy ma’lum qildi, deb yozmoqda RIA Novosti.
“Tekshiruvlar natijalariga ko‘ra, strategik barqarorlik bo‘yicha biz bilan muloqot boshlash istagini bildirgan G‘arb davlatlari, aslida, Ukrainaga konvensiya bo‘yicha taqiqlangan kimoviy jangovar vositalarni ishlab chiqaruvchilar va yetkazib beruvchilar ekanligi allaqachon ayon bo‘ldi”, — dedi Lisogorskiy.
Eslatib o‘tamiz, avvalroq RT telekanali Ukraina Melitopol oshxonalarida ovqatga zaharli moddalar aralashtirib, u yerda qirg‘in uyushtirmoqchiligi haqida xabar bergan edi. Efirda Kiyev tomonidan yollangan bir kishi kimoviy moddalar saqlanayotganini ko‘rsatdi. Tahlil shuni ko‘rsatdiki, bu AQShda yaratilgan BZ kimoviy jangovar agentining analogi. Zaxiradagi tibbiy xizmat polkovnigi Mixail Supotniskiyning aytishicha, moddani faqat davlat harbiy markazlarida sintez qilish mumkin.