TOShKENT, 29 fev — Sputnik. Rossiyaning strategik yadroviy kuchlari to‘liq shay holatda, dedi Rossiya prezidenti Vladimir Putin.
“Strategik yadroviy kuchlar kafolatlangan foydalanishga to‘liq shay holatda. 2018-yildagi murojaatimda aytib o‘tgan qurollanish sohasida biz nima rejalashtirgan bo‘lsa, hammasi amalga oshdi yoki bu ish yakunlanmoqda”, — dedi Putin Federal majlisga murojaati chog‘ida.
Uning so‘zlariga ko‘ra, G‘arb o‘ylab topayotgan hamma narsa haqiqatan ham yadro qurolidan foydalanish bilan mojaroga tahdid soladi va shuning uchun sivilizatsiyani yo‘q qiladi.
Uning qayd etishicha, Rossiyaga yadroviy qurollarni kosmosga joylashtirmoqchi ekanligi haqida asossiz ayblovlar eshitilmoqda.
"Bunday yolg‘on va bu yolg‘ondan boshqa narsa emas, bizni faqat AQSh uchun foydali bo‘lgan o‘z shartlarimiz bo‘yicha muzokaralarga tortish uchun hiyla-nayrangdir", — deya qayd etdi Putin.
Rossiya Federatsiyasida G‘arb mamlakatlaridagi nishonlarga zarba bera oladigan qurollar mavjud.
"Ular (G‘arb – tahr.) oxir-oqibat tushunishlari kerakki, bizda ham qurol bor – va ular buni bilishadi, men hozir aytdim – bizda ham ularning hududidagi nishonlarga zarba bera oladigan qurollarimiz bor", — dedi Putin.
Eslatib o‘tamiz, Rossiya prezidentining Federal Majlisga yillik murojaatida mamlakatdagi vaziyat, uning ichki va tashqi siyosatining asosiy yo‘nalishlari haqida so‘z bormoqda.