Umuman olganda, chet el fuqarolari Qirg‘iziston hududida ikki turdagi ruxsatnomalarni olishlari mumkin: yuridik va jismoniy shaxslarga chet el ishchi kuchini jalb qilish va undan foydalanish huquqini beruvchi ish beruvchi ruxsatnomasi, shuningdek, ishchi ruxsatnomasi.
Hujjat xorijiy fuqarolar yoki fuqaroligi bo‘lmagan shaxslarning mehnat qilish yoki tadbirkorlik faoliyati bilan shug‘ullanish huquqini tasdiqlaydi. Ruxsat olish uchun ariza Qirg‘iziston Mehnat, ijtimoiy himoya va migratsiya vazirligiga onlayn va oflayn rejimda topshirilishi mumkin.
Kerakli hujjatlar ro‘yxati:
Ariza;
Qirg‘iziston hududida yakka tartibdagi tadbirkorlik faoliyatini amalga oshirish istagida bo‘lgan arizachining shaxsiy murojaati;
amaldagi vizasi (W1 toifasi) yoki ro‘yxatdan o‘tgan chet el fuqarosi pasportining notarial tasdiqlangan tarjimasi;
Respublika OITSga qarshi kurash markazi tomonidan berilgan OIVga tekshirish to‘g‘risidagi tibbiy xulosa;
Oq fonda olingan 2 ta rangli fotosurat. Hajmi - 30x40 mm;
ish haqi miqdori ko‘rsatilgan mehnat shartnomasi;
ta’lim, tibbiyot va farmatsevtika sohasidagi xorijiy ishchilar uchun ta’lim diplomining notarial tasdiqlangan tarjimasi.
Ariza 14 kalendar ish kuni davomida ko‘rib chiqiladi. Biroq, hamma ham ishlash uchun ruxsatnoma ololmaydi.
Respublika tomonidan har yili ajratiladigan kvotalar soni iqtisodiyot sohasiga bog‘liq bo‘lib, mamlakat hududlari, jumladan, Bishkek shahri o‘rtasida taqsimlanadi. Shu bilan birga, ish beruvchiga berilgan individual ish uchun kvota, agar u berilgan kundan boshlab uch oy ichida foydalanilmasa, bekor qilinishi mumkin.
Ruxsatomaning amal qilish muddati qancha?
Qirg‘iziston qonunchiligiga ko‘ra, chet ellik rahbar va mutaxassislarga ishlash uchun ruxsatnoma har yili uzaytirish huquqi bilan 1-yil muddatga beriladi. Ba’zi hollarda hujjatning amal qilish muddati ikki yildan uch yilgacha bo‘lishi mumkin.
Bundan tashqari, ish beruvchining ruxsatnomasini bir ish beruvchidan boshqasiga o‘tkazish mumkin emas. Xorijliklar esa qo‘shimcha ruxsatnomalari bo‘lsagina bir necha joyda ishlashi mumkin.
Ro‘yxatdan o‘tish necha pul turadi?
Ish beruvchiga ruxsatnomani rasmiylashtirish 715 ming so‘mni tashkil qiladi. Bir kishi uchun ishchi ruxsatnomasining narxi esa 357 ming so‘mga teng. Shu bilan birga, chet ellik tadbirkor uchun ishlash uchun ruxsatnoma narxi 3,5 million so‘mdan oshadi.
Kimlarga ruxsatnoma kerak emas?
rasman qochqin deb tan olingan yoki Qirg‘iziston hududida siyosiy boshpana olgan shaxslar;
doimiy yashash uchun ruxsatnomaga ega bo‘lgan shaxslar;
xorijiy yuridik shaxslar tomonidan yetkazib beriladigan texnologik asbob-uskunalarni o‘rnatishni amalga oshirish uchun yuborilgan shaxslar;
Qirg‘iziston ta’lim muassasalari dasturlari doirasida amaliy mashg‘ulotlardan o‘tayotgan, shuningdek, ta’til vaqtida ishlayotgan talabalar;
diplomatik vakolatxonalar va konsullik muassasalarida, shuningdek, Qirg‘izistonda akkreditatsiyadan o‘tgan xalqaro tashkilotlarda ishlovchi shaxslar;
Qirg‘iziston Respublikasida akkreditatsiyadan o‘tgan muxbirlar va jurnalistlar;
xalqaro shartnomalarda ishga qabul qilishning boshqacha tartibi belgilangan shaxslar;
"qayrilman" maqomini olgan etnik qirg‘izlar.
Qanday hollarda ruxsat berish rad etiladi?
Rad etish uchun asoslar quyidagicha:
ichki mehnat bozorida Qirg‘iziston fuqarolari orasidan mutaxassislarning mavjudligi;
ariza beruvchi tomonidan taqdim etilgan ma’lumotlarning ishonchsizligi;
Qirg‘iziston hududida mehnat yoki yakka tartibdagi tadbirkorlik faoliyatini tugatish;
Qirg‘iziston Respublikasi qonunchiligini buzish.
Biroq rad etish to‘g‘risidagi qarorga rozi bo‘lmagan taqdirda, arizachi yozma ravishda apellyatsiya yoki shikoyat berishi mumkin. Ariza topshirish muddati 30 kun. Shikoyatni ko‘rib chiqish va qaror qabul qilish ham 30 kun davom etadi.