TOShKENT, 12 fev — Sputnik. Harbiy havo-desant kuchlarining Janubiy kuchlar guruhi tarkibiga kiruvchi "Kornet" tankga qarshi raketa tizimi ekipaji Artyomovsk shimoli-g‘arbida Ukraina piyoda askarlari guruhini yo‘q qildi. Bu haqda RIA Novosti Rossiya Mudofaa vazirligi ma’lumotiga tayanib xabar berdi.
“Kostroma desantchilarining “Kornet” tankga qarshi raketa tizimi ekipaji Artyomovsk shimoli-g‘arbidagi blindajda Ukraina Qurolli kuchlari piyoda askarlari guruhini yo‘q qildi”, — deyiladi harbiy idorada.
Shuningdek, ular razvedka xodimlari obyektiv video kuzatuv uskunasidan foydalangan holda blindajda yashiringan jangarilarni aniqlaganliklari va koordinatalarni nazorat punktiga uzatganliklarini qo‘shimcha qilishdi. “Kornet” tankga qarshi raketa tizimi ekipaji nishonni yo‘q qilish vazifasini oldi.
"Nishonni yo‘q qilish vazifasini olgan Kostroma desantchilarining tankga qarshi raketa tizimi ekipaji kechasi zudlik bilan shahar chetiga yo‘l oldi va u yerda ko‘p qavatli binolardan birida o‘q otish pozitsiyasini egalladi. Tankga qarshi raketa tizimidan boshqariladigan raketa bilan aniq nishonga olib, desantchilar Ukraina Qurolli Kuchlarining bir guruh piyoda askarlariga zarba berishdi”, — deyiladi Rossiya Federatsiyasi Mudofaa vazirligi xabarida.