TOShKENT, 4 fev — Sputnik. AQSh Rossiyaning Ukrainadagi g‘alabasidan keyin ham tinchlanmaydi va Rossiyaning boshqa mintaqalardagi ta’sirini susaytirishga harakat qiladi. Bu haqda Chikago universiteti professori Jon Mirshaymer ijtimoiy tarmoqdagi Duran kanaliga bergan intervyusida ma’lum qildi, deb yozmoqda RIA Novosti.
“Amerikaliklar o‘zlarini o‘likdek ko‘rsatishmaydi (Rossiya Ukrainadagi g‘alabasidan keyin. - Tahr). Amerikaliklar Rossiyani barbod qilish uchun bor narsaga boradi”, — deya ishonch bildiradi ekspert.
Mirshaymer Qo‘shma Shtatlar Rossiya bilan mojaroning navbatdagi kuchayishini tashkil qilishi mumkin bo‘lgan hududlarni nomladi. Arktika, Qora dengiz va Moldovada provokatsiyalarni kutish kerak. Bundan tashqari, Vashington Belarusda "rangli inqilob" tashkil qilishi mumkin.
“Ukraina va Sharqiy Yevropadagi muammolar tugamaydi”, — deya xulosa qildi Jon Mirshaymer.
Avvalroq Vladimir Putin G‘arb Rossiyaga qarshi gibrid urush olib borishda davom etayotgani, Kiyev rejimini real vaqt rejimida razvedka ma’lumotlari bilan ta’minlayotgani va qurol-yarog‘ uzatayotganini aytgandi. Moskva NATO qarama-qarshilikka qaratilganini bir necha bor qayd etgan. Prezident matbuot kotibi Dmitriy Peskov ta’kidlaganidek, blokning yanada kengayishi Yevropaga katta xavfsizlik olib kelmaydi.