TOShKENT, 2 fev – Sputnik. O‘zbekiston va Rossiya hukumatlari Toshkent viloyatida yangi "Eltech Industrial" texnoparkini rivojlantirish bo‘yicha hamkorlikni faollashtirmoqda, deb xabar qilmoqda Rossiyaning O‘zbekistondagi savdo vakolatxonasi.
“Savdo missiyasi ko‘magida Rossiyaning klasterlar, texnoparklar va EIZlar assotsiatsiyasi hamda "O‘zeltexsanoat" uyushmasi vakllarining ishchi uchrashuvi bo‘lib o‘tdi. Maqsad — "Eltech Industrial" texnoparkini rivojlantirish bo‘yicha o‘zaro hamkorlikni rivojlantirish”, — deyiladi vakolatxona xabarida.
Tomonlar texnoparklarning strategik rejalashtirish hujjatlari va texnik hujjatlarini ishlab chiqish, investitsiya kiritish va investitsiya loyihalarini tayyorlash, texnoparklar rezidentlari uchun imtiyoz va preferensiyalarni muhokama qildi. “Uchrashuv natijasida assotsiatsiyalar yaqinroq hamkorlikni rivojlantirishga, shuningdek, amaliy masalalarni muhokama qilish uchun yuzma-yuz uchrashuv o‘tkazishga kelishib oldilar”, — deya qo‘shimcha qildi savdo missiyasi.
"O‘zeltexsanoat" ma’lum qilishicha, yuqori qo‘shimcha qiymatga ega elektrotexnika mahsulotlari ishlab chiqarishni tashkil etish maqsadida Toshkent viloyatidagi Oxangaron yaqinida “Eltech Industrial” texnoparki tashkil etilmoqda. Texnoparkni boshqarish uchun xalqaro konsalting kompaniyasini jalb etish rejalashtirilmoqda.
2022 yil mart oyida O‘zbekistonning Toshkent viloyatida yuqori qo‘shimcha qiymatga ega bo‘lgan neft-kimyo va kimyo mahsulotlarini ishlab chiqarish tashkil etiladigan Chirchiq kimyo-sanoat texnologiyalar parki qurilishi boshlandi. Texnoparkni yaratish Qozonning "Ximgrad" texnopolisi bilan hamkorlikda amalga oshirilmoqda. Ayni paytda park rezidentlari loyihalari qiymati 30 million dollardan ortiq bo‘lgan o‘ndan ortiq kompaniya hisoblanadi.
2023 yil aprel oyida O‘zbekistonning Jizzax viloyatida Rossiya kompaniyalari ishtirokida kimyo-sanoat texnologiyalari parki ochildi. Uning hududida 60 million dollarlik investitsiya hajmiga ega 30 dan ortiq rezident kompaniyalarni joylashtirish rejalashtirilgan. Oktabr oyida Rossiyaning "Alabuga" va "Magistr" texnoparklari modeli asosida respublikada yana ikkita sanoat parkini tashkil etish bo‘yicha kelishuvlarga erishildi.