Islom Karimov: O‘zbekistonning birinchi prezidenti xotirasi qanday abadiylashtirilgan?

O‘zbekistonning birinchi prezidenti mamlakat davlat mustaqilligini e’lon qilgan respublika rahbari sifatida tarixda mangu qoladi. Uning bevosita rahnamoligida mamlakatni mustaqil rivojlantirish dasturi ishlab chiqildi, besh tamoyilga asoslangan iqtisodiy rivojlanishning o‘ziga xos modeli, respublikaning Asosiy qonuni ishlab chiqildi.

U O‘zbekiston davlat bayrog‘i eskizini yaratishda qatnashgan. Islom Karimov mamlakatning xalqaro maydondagi nufuzini oshirish va qo‘llab-quvvatlashni kuchaytirishga katta hissa qo‘shdi.

O‘zbekistonda va xorijda Islom Karimov xotirasiga qanday hurmat bajo keltirilmoqda – Sputnik O‘zbekiston fotojamlanmasida.

1 / 12

Samarqand shahri Hazrati Xizr majmuasidagi Islom Karimov maqbarasi. Maqbara 2018-yil 30-yanvarda ochildi. U O‘zbekistonning Birinchi prezidenti vasiyatiga ko‘ra, Samarqand shahridagi Hazrati Xizr majmuasi yonida bunyod etilgan.

2 / 12

O‘zbekiston Ruspublikasining birinchi prezidenti Islom Karimov bronza busti. Bust rassom Jasvand Annazarov tomonidan yaratilgan.

3 / 12

Asaka avtomobil zavodidagi Islom Karimov yodgorlik majmuasi. Mazkur majmua 2017-yil 6-dekabrda ochilgan. Islom Karimov O‘zbekiston uchun mutlaqo yangi bo‘lgan soha – avtomobilsozlik sanoatiga asos solgan va uni rivojlantirish tashabbusini hayotga tatbiq etgan. Xususan, Asaka avtomobil zavodiga asos solinishida uning o‘zi bevosita ishtirok etgan.

4 / 12

O‘zbekiston Markaziy banki fonidagi Islom Karimov ko‘chasi.

5 / 12

Qarshi shahridagi Islom Karimov haykali. Yodgorlik Islom Karimov tavalludining 80-yilligi munosabati bilan 2018-yil 30-dekabrda ochilgan.

6 / 12

Turkmanoboddagi Islom Karimov sharafiga o‘rnatilgan yodgorlik. Shuningdek, Lebop viloyati ma’muriy markazining asosiy ko‘chalaridan biri ham Islom Karimov nomi bilan atalgan.

7 / 12

Moskvadagi Islom Karimov hiyoboni va haykali.

Mediabankka o‘tish

8 / 12

Samarqand shahridagi Islom Karimov haykali.

9 / 12

Islom Karimov tahsil olgan 21-umumta’lim maktab. Birinchi prezident bu yerda 1950-1955 yillarda o‘qigan.

10 / 12

Islom Karimov nomidagi Toshkent xalqaro aeroporti. Aeroportga 2017-yil 4-mayda Islom Karimov nomi berilgan.

11 / 12

Islom Karimov nomidagi Toshkent Davlat texnika universiteti.

CC BY-SA 4.0 / Sick Spiny / Glavnoe zdanie TGTU

12 / 12

“Islom Karimov va O‘zbekistonda avtomobil sanoatining rivoji” nomli ko‘rgazma-muzey. 2017-yil 6-dekabr kuni Asaka avtomobil zavodida doimiy ravishda faoliyat yuritadigan "Islom Karimov va O‘zbekistonda avtomobil sanoatining rivoji" ko‘rgazma-muzey ish boshlagan.