TOShKENT, 25 yanv — Sputnik. G‘arb “Rossiyaning NATOga hujum qilish rejalari”ni e’lon qilib, Moskvani maxsus operatsiya maqsadlaridan voz kechishga majburlamoqchi, biroq bu amalga oshmaydi, dedi Rossiya Tashqi razvedka xizmati direktori Sergey Narishkin RIA Novostiga bergan intervusida.
Razvedka xizmati rahbari bunday bayonotlarni G‘arbning Rossiyaga qarshi hozirgi gibrid tajovuzini oqlash uchun axborot urushi va uni NATO bilan to‘g‘ridan-to‘g‘ri qurolli mojaro ehtimoli orqali qo‘rqitish istagi bilan izohladi.
"G‘arbliklar Rossiya Federatsiyasining siyosiy rahbariyati o‘z rejalari, maxsus harbiy operatsiya maqsadlaridan voz kechishi uchun unga ta’sir o‘tkazish umidida o‘zlarining jangovarligini, harbiy tayyorligini ta’kidlamoqdalar. <...> Lekin na Rossiya, na Rossiya Federatsiyasi rahbariyati o‘z maqsadlaridan voz kechadi", – dedi Narishkin.
Oktabr oyi boshida NATO harbiy qo‘mitasi rahbari Rob Bauyer "RAR" agentligiga bergan intervusida Shimoliy Atlantika Ittifoqi Rossiyaning sharqiy qanotdagi ehtimoliy "bosqiniga" 2024-yil "Steadfast Defender" mashg‘ulotlarida javob choralarini ishlab chiqishini aytdi.
Yanvar oyida “Bild” tabloid gazetasi Bundesverning ma’lum bir "maxfiy hujjati"ga tayanib, Moskvaning NATOning sharqiy qanotiga ehtimoliy hujumi "rejasini" e’lon qildi. Kreml matbuot kotibi Dmitriy Peskov bu maqolaga javoban, bu nashr so‘nggi paytlarda ishonchsiz yangiliklarni kanda qilmayotganligini ta’kidladi.
So‘nggi yillarda Rossiya NATOning g‘arbiy chegaralarda o‘ta faolligini e’lon qildi. Ittifoq tashabbuslarni kengaytirmoqda va buni "Rossiya agressiyasini ushlab turish" deb atamoqda. Moskva Yevropada harbiy blok kuchlarining to‘planishi borasida xavotirini bir necha bor bildirgan. Kreml ta’kidlariga ko‘ra, Rossiya hech kimga tahdid solmaydi, lekin uning manfaatlari uchun potensial xavfli harakatlarni e’tiborsiz qoldirmaydi.