TOShKENT, 25 yanv — Sputnik. Yer uchastkalarini agrosanoat klasterlariga to‘g‘ridan-to‘g‘ri ijaraga berish tartibi bekor qilindi. Bu haqda Adliya vazirligi tomonidan o‘tkazilgan matbuot anjumanida ma’lum qilindi, deya xabar berdi Sputnik O‘zbekiston muxbiri.
Adliya vazirining o‘rinbosari Alisher Karimov O‘zbekiston prezidentining tegishli qarorida belgilangan qishloq xo‘jaligiga mo‘ljallangan yer uchastkalarini ijaraga berish tartibini tushuntirib berdi.
Alisher Karimov
© Ministerstva yustitsii respubliki Uzbekistan
Qayd etilishicha, qishloq xo‘jaligi tomorqalarini ijaraga berish onlayn elektron auksionlar orqali amalga oshiriladi.
“2024 yilning 1-martiga qadar 15,6 gektar qishloq xo‘jaligi yerlari 30-yilgacha bo‘lgan muddatga onlayn-autsion savdolariga qo‘yiladi. Yerlar tegishli mezonlarga javob berishi kerak — aholi punktlariga yaqin, yaxshi suv ta’minoti va yuqori hosildorlik. Boshlang‘ich narx ma’lum bir yer uchastkasining meyoriy qiymati miqdorida belgilanadi”, — dedi Karimov.
Shuningdek, onlayn elektron auksionlar g‘oliblari yer uchastkasi narxini uch yil davomida teng ulushlarda bo‘lib-bo‘lib to‘lashi mumkinligi aytildi.
“Temir daftar”ga kiritilgan shaxslar, shuningdek, dehqon xo‘jaligi, yakka tartibdagi bog‘dorchilik, polizchilik va chorvachilik uchun yer uchastkalarini ijaraga berish bo‘yicha elektron onlayn-autsion savdolari g‘oliblariga ijara haqini foizsiz bo‘lib, teng ulushlarda 5-yil davomida qaytarishga ruxsat etiladi.
Shuningdek, 1-martdan avval ochiq elektron tanlovga qo‘yilgan, g‘oliblari aniqlanmagan yerlar avtomatik tarzda onlayn-autsionga qo‘yiladi.
Bundan tashqari, kiritilgan yangiliklarga ko‘ra, qishloq xo‘jaligi yerlarini ijaraga oluvchilarga ijaraga olingan yerlar bo‘yicha o‘z huquq va majburiyatlarini boshqa shaxsga o‘tkazishga ruxsat berildi. Ushbu operatsiyani faqat uch yil ijaraga olingandan keyin va qayta ijaraga berilganda, yer uchastkasidan maqsadli foydalanish o‘zgarishsiz qolishi sharti bilan amalga oshirilishi mumkin.
“Agrosanoat klasterlari tomonidan yer uchastkalarini bevosita ijaraga berishning Vazirlar Mahkamasi tomonidan qabul qilingan tartibi bekor qilindi. Bunda agrosanoat klasterlari yer uchastkalarini elektron onlayn autsionlar orqali yoki yirik investitsiya loyihasini amalga oshirish uchun eng yaxshi taklifni tanlash maqsadida ijaraga olishlari mumkin”, — deb tushuntirdi vazir o‘rinbosari.
Shu bilan birga, hujjatda qishloq xo‘jaligi uchun mo‘ljallangan sug‘oriladigan yerlarning qishloq va o‘rmon xo‘jaligi ishlab chiqarishida yetkazilgan zararni qoplash tartibi ham belgilab berilgan. Xususan, yer uchastkalarini davlat ehtiyojlari uchun olib qo‘yish hollari bundan mustasno, barcha hollarda to‘lovlar barcha shaxslardan to‘liq undiriladi.