TOShKENT, 19 yanv — Sputnik. Joriy yil aprel oyidan boshlab Uzbekistan Airways aviakompaniyasi Xabarovsk aeroportidan Toshkentga parvozlar chastotasini oshiradi.
Avvalroq aeroport 4-dekabrdan oxirgi 10-yil ichida birinchi marta Toshkentga to‘g‘ridan-to‘g‘ri muntazam qatnovlar yo‘lga qo‘yilgani haqida xabar bergan edi. Parvozlar haftada bir marta - dushanba kunlari amalga oshirilishi aytilgan edi.
“Uzbekistan Airways yozgi jadvalda Toshkentga parvozlar chastotasini oshiradi. 2024-yil 6-apreldan boshlab Xabarovsk xalqaro aeroporti jadvalida quyoshli va mehmondo‘st Toshkentga jo‘nab ketish uchun yana bir kun paydo bo‘ladi”, — deyiladi xabarida.
Shunda parvozlar haftasiga ikki marta amalga oshiriladi: dushanba va shanba kunlari.