TOShKENT, 19 yanv — Sputnik. “Faol mudofaa” strategiyasi Ukraina Qurolli kuchlariga katta zarar yetkazadi, dedi Ukraina sobiq mudofaa vaziri Andrey Zagorodnyuk Financial Times gazetasiga bergan intervyusida.
“Hujumkor harakatlarsiz oldini olishga e’tibor qaratish tarixiy xato bo‘ladi”, - dedi u.
Financial Times avvalroq yozishicha, Kiyev yozgi muvaffaqiyatsiz qarshi hujumdan so‘ng taktikani o‘zgartirib, 2024-yilda “faol mudofaa”ga o‘tmoqda; G‘arbda Kiyevning yangi hujumi 2025-yilgacha kutilmaydi.
Zagorodnyukning qo‘shimcha qilishicha, bunday taktika bilan Ukraina tashabbusni Vladimir Putinga beradi.
Qarshi hujum paytida Ukraina qurolli kuchlari hatto rus qo‘shinlarining taktik mudofaasini ham yengib o‘ta olmadi va jiddiy yo‘qotishlarga uchradi.
Shu fonda G‘arb ommaviy axborot vositalari Qo‘shma Shtatlar va Yevropa Ittifoqi Ukraina inqirozidan charchay boshlagani, Vladimir Zelenskiyni qo‘llab-quvvatlash zaiflashayotgani haqida tobora ko‘proq yozmoqda. NBC xabariga ko‘ra, Amerika va Yevropa rasmiylari allaqachon Kiyev rasmiylari bilan Rossiya bilan tinchlik muzokaralarining mumkin bo‘lgan oqibatlarini, jumladan, kelishuvga erishish uchun respublika nimalardan voz kechishi mumkinligi haqida gaplashmoqda.