TOShKENT, 6 yanv — Sputnik. Oliy Bosh qo‘mondon tomonidan qo‘yilgan vazifalar doirasida Donesk Xalq Respublikasini to‘liq ozod qilish zarur, dedi DXR rahbari Denis Pushilin RIA Novosti agentligiga.
“Bu haqiqatan ham xavfsizlikni ta’minlash, ilgarilash va sobiq Donesk viloyatining ma’muriy chegaralariga yetib borish nuqtayi nazaridan muhim. Biz uchun hozir Oliy bosh qo‘mondon tomonidan qo‘yilgan vazifalar doirasida butun Donesk Xalq Respublikasini ozod qilish muhim”, - deya ta’kidladi u yilni sarhisob qilarkan.
Pushilin 2023-yilda Soledar, Artyomovsk va Marinkaning ozod qilinganini muhim deb atadi.
“2023 yil voqealarga boy bo‘ldi, ular rang-barang bo‘ldi. Bizni birinchi navbatda, harbiy qismlar bilan bog‘liq hamma narsa tashvishga solmoqda. Aholi punktlarimizning ozod etilishi biz uchun muhim bo‘ldi”, — dedi DXR rahbari.
Soledar shahri 2023-yil yanvarida Ukraina millatchi kuchlaridan ozod qilindi. Artyomovsk 2023-yil 20-may kuni Ukraina Qurolli kuchlaridan qaytarib olindi. Hozir u butunlay rus qo‘shinlari nazorati ostida.
25 dekabr kuni Rossiya Mudofaa vaziri Sergey Shoygu Vladimir Putinga Donesk yaqinida joylashgan Marinka to‘liq qo‘lga olingani haqida hisobot berdi. Vladimir Putinning qayd etishicha, bu dushman bo‘linmalarini Doneskdan uzoqlashtirishga imkon beradi.