TOShKENT, 26 dek — Sputnik. Ukraina safarbar qilinganlarning tayyorgarligi pastligi va jismoniy holati yomonligi tufayli g‘alaba qozona olmaydi. Bu haqda "Butusov PLYuS" kanaliga bergan intervyusida "Oladushek" chaqiruv belgisi bilan 3-alohida hujum brigadasining 1-bataloni razvedkachisi ma’lum qildi, deb yozmoqda RIA Novosti.
“Bizga yoshlar kerak, men hamma narsani tushunaman, genofondni saqlash uchun, buning uchun yoshlar kamolotga yetishi, keksalar oldinga siljishi kerak <...>. Ammo biz bu yo‘l bilan g‘alaba qozona olmaymiz", — deb shikoyat qildi razvedkachi.
U inson resurslari sifatining pasayishiga alohida e’tibor qaratdi. Ukraina harbiy komissarlari kasal erkaklarni olib ketishadi, uzoq vaqt davomida bir necha marta jarohat olgan askarlar endi oldingidek vazifalarni bajara olishmaydi.
AQSh armiyasining iste’fodagi podpolkovnigi Deniyel Devisning so‘zlariga ko‘ra, AQSh oxir-oqibat Ukrainaga moliyaviy yordam beradi, ammo Amerika pullari Kiyevga Rossiyani mag‘lub etishga yordam bermaydi.
“Ba’zi mablag‘lar, ehtimol, hali ham o‘tkazilsa kerak. Mening prognozim shunday: qaysidir bosqichda Amerika hukumati qandaydir kelishuvga keladi. Ammo buni Rossiya ustidan g‘alabaga aylantirib bo‘lmaydi”, — deb hisoblaydi ofitser.
Devisning so‘zlariga ko‘ra, Kongress va Oq uy o‘rtasidagi yakuniy kelishuv Jo Bayden erishganidan ancha kichikroq miqdorni nazarda tutadi.
Ekspertning ta’kidlashicha, Qo‘shma Shtatlar avvalgi Amerika yordam paketlari Ukrainaga olib kelgan yomon natijalarni e’tibordan chetda qoldirmagan. Vashington Ukraina uchun g‘alaba qozonish mumkin emasligini tushundi, dedi u.
“Ayni paytda, Rossiya tomoni mustahkamlanmoqda va o‘sishda davom etmoqda, kuchliroq bo‘lmoqda, ular kuchni tejashmoqda. Bularning barchasi Ukrainaning harbiy g‘alabaga yo‘l yo‘qligini yaqqol ko‘rsatib turibdi”, — deya xulosa qildi Devis.