TOShKENT, 23 dek — Sputnik. Ukrainaning o‘z qo‘shinlarini to‘ldirishga qodir emasligi bilan bog‘liq ichki muammolari Amerika yordamini behuda qiladi, deydi Chikago universiteti siyosatshunosi Jon Mirshaymer Judging Freedom YouTube kanaliga bergan intervyusida.
“Ularning qo‘shinlarni yig‘ish, Ukraina aholisini 2023-yilda jang maydonida ko‘rgan yo‘qotishlarni o‘rnini bosish uchun safarbar qilish bilan bog‘liq muammolariga qarang”, - deydi tahlilchi.
Siyosatshunos Ukraina armiyasini “halokatga uchragan” deb atadi, chunki uning so‘zlariga ko‘ra, Ukraina Qurolli kuchlarida Rossiya Qurolli kuchlari hujumini ushlab turish uchun yetarli shaxsiy tarkib va zarur jihozlar yetishmaydi.
“Ukraina armiyasida juda katta muammolar bor, shuning uchun biz ularga pul berishimiz yoki bermasligimizdan qat’i nazar, ruslar jang maydonida hukmronlik qilishda davom etishi mumkin”, - deya xulosa qildi Mirshaymer.
19 dekabr kuni bo‘lib o‘tgan matbuot anjumanida Vladimir Zelenskiy birinchi marta raqamlar bilan yangi keng ko‘lamli safarbarlik mavzusiga to‘xtaldi. Uning so‘zlariga ko‘ra, unga Ukraina Qurolli kuchlari Bosh shtabi qo‘shimcha 450-500 ming kishini safarbar etish iltimosi bilan murojaat qilgan. Zelenskiyning so‘zlariga ko‘ra, bu shakldagi safarbarlik Ukrainaga 500 milliard grivnaga (13,4 milliard dollar) tushadi.