TOShKENT, 14 dek — Sputnik. Kelasi yilda YeOIIda tadbirkorlar va iste’molchilar o‘rtasida ishonchni mustahkamlashga alohida e’tibor qaratiladi. Bu haqda Yevroosiyo iqtisodiy komissiyasi matbuot xizmati xabar berdi.
Yevroosiyo iqtisodiy komissiyasining ixtisoslashtirilgan maslahat qo‘mitasi majlisida Yevroosiyo iqtisodiy Ittifoqi mamlakatlarining iste’molchilar huquqlarini himoya qilish bo‘yicha vijdon harakatlari dasturini amalga oshirish bilan bog‘liq ish yo‘nalishlari belgilab olindi, ular 2024-yilda ustuvor ahamiyat kasb etadi.
Ittifoq mamlakatlari uchun tegishli tavsiyanoma kelgusi yilning birinchi choragida Komissiya hay’ati yig‘ilishida taqdim etiladi.
Nomlangan Dasturga ko‘ra, 2024-yil uchun mavzu: “Iste’molchi va tadbirkor: taraqqiyotga ishonch”.
YeIK Texnik jihatdan tartibga solish vaziri Viktor Nazarenko ittifoqning iste’molchilar huquqlarini himoya qilish sohasidagi davlatlararo dasturi mamlakatlarning hamkorlikdagi faoliyatini tizimli rejalashtirilgan darajaga olib chiqqanini ta’kidladi.
“Bunday ishlar natijalari Yevroosiyo “beshligi” davlatlarining ijtimoiy-iqtisodiy rivojlanishi uchun davlat, jamiyat va biznes manfaatlarining uyg‘un muvozanatiga asoslangan qulay shart-sharoitlarni izchil shakllantirish uchun asos bo‘ladi”, – dedi u.
Uning qayd etishicha, a’zo davlatlar darajasida iste’molchi va tadbirkor o‘rtasidagi o‘zaro munosabatlar muammolarini ochiq va har tomonlama muhokama qilish Ittifoqning shaffof va adolatli iste’mol bozorini rivojlantirishga qaratilgan samarali ittifoq yechimlarini ishlab chiqish uchun asos yaratadi.
YeOIIga a’zo davlatlar jamoat iste’molchilari uyushmalari faoliyatini qo‘llab-quvvatlash maqsadida Belarus Respublikasidan maslahat qo‘mitasi a’zolari tashabbusi bilan tayyorlangan YeIK Kengashi tavsiyasi loyihasi ma’qullandi.