TOShKENT, 9 dek — Sputnik. Rossiya Federatsiya kengashi raisi Valentina Matviyenko “Rossiya segodnya” xodimlari va uning bosh direktori Dmitriy Kiselovni media-guruhning 10-yilligi bilan tabrikladi.
“Siz Sovinformburo, "Novosti" matbuot agentligi, "Moskva radiosi" va "Rossiya ovozi" an’analarini munosib davom ettirmoqdasiz. Buni professional, tezkor, jurnalist etikasining yuksak qonunlariga qat’iy rioya qilgan holda, zamonaviy texnologiyalar imkoniyatlaridan maksimal darajada foydalangan holda bajarmoqdasiz”, — deyiladi tabrik telegrammasida.
Matviyenkoning ta’kidlashicha, “Rossiya segodnya” jurnalistlari axborot frontida bo‘lib, “eng muhim vazifani – jamoatchilik fikrini aks ettirish va shakllantirishni hal qilib, Rossiya haqidagi haqiqatni, uning halol va ochiq pozitsiyasini butun dunyoga yetkazadi va shu orqali xalqlar o‘rtasidagi o‘zaro tushunishni mustahkamlaydi”.
“So‘nggi o‘n yil ichida “Rossiya segodnya” kuchli bir nechta sohalarga ixtisoslashgan xoldingga aylandi, uning auditoriyasi nafaqat mamlakatimizda, balki xorijda ham o‘sib bormoqda. Sizga va hamkasblaringizga o‘z oldingizga yangi yuksak marralarni qo‘yishda davom etishingizni tilayman. Ular muvaffaqiyatli amalga oshishiga ishonaman”, - dedi Matviyenko.
“Rossiya segodnya” xalqaro media-guruhi rus tilidagi axborot resurslarini birlashtiradi: RIA Novosti, PRAYM, InoSMI, Baltnews, Ukraina.ru, Sotsialniy navigator, KOT va Arctic.ru. Xorijda uni Sputnik xalqaro axborot agentligi va radiosi taqdim etadi.
Media-guruhning asosiy mahsulotlaridan biri bu rus, ingliz, xitoy, ispan, arab va fors tillarida axborot lentasi hisoblanadi. “Rossiya segodnya” xalqaro auditoriya, biznes hamjamiyat, davlat idoralari va keng doiradagi foydalanuvchilarga mo‘ljallangan yirik rus axborot mahsulotlarini ishlab chiqaruvchisi.