Mirziyoyev Dubayda qanday kutib olindi — foto

TOShKENT, 1 dek — Sputnik. O‘zbekiston prezidenti Shavkat Mirziyoyev Birlashgan Arab Amirliklari prezidenti Shayx Muhammad bin Zoid Ol Nahayonning taklifiga binoan kecha, 30-noyabr kuni amaliy tashrif bilan Dubay shahriga bordi. Bu haqda prezident matbuot xizmati xabar berdi.

Aeroportda oliy martabali mehmonni BAA energetika va infratuzilma vaziri Suxayl al-Mazruiy kutib oldi.

Bugun, 1-dekabr kuni Mirziyoyev BMTning Iqlim o‘zgarishlari bo‘yicha konferensiyasida ishtirok etadi hamda ushbu global sammit yalpi sessiyasida nutq so‘zlaydi.