TOShKENT, 27 noya — Sputnik. Rossiya yaqin kelajakda Yevroosiyo iqtisodiy ittifoqi (YeOII) mamlakatlarida elektromobillarga bo‘lgan talabni qondira oladi. Bu haqida Rossiya bosh vaziri o‘rinbosari Aleksey Overchuk ma’lum qildi, deb yozmoqda Sputnik Blijnee zarubejye.
"O‘ylaymizki, yaqin kelajakda elektromobillarga bo‘lgan talabni o‘z ishlab chiqarishimiz orqali qondira olamiz. Aytmoqchimanki, bu yerda (ko‘rgazmada – tahr.) Rossiya elektromobillari namoyish etilmoqda, bu ishlab chiqarish Qozog‘istonda ham rivojlana boshladi, o‘ylaymanki, u keng tarqaladi",— dedi u.
Uning so‘zlariga ko‘ra, YeOII Kengashining yaqindagi yig‘ilishlaridan birida YeOII hududiga elektromobillarni olib kirishda nol bojxona to‘lovini uzaytirish masalasini ko‘tarildi. Natijada bir oy oldin uni yana ikki yilga uzaytirishga qaror qilindi. Shu bilan birga, bugungi kunda Rossiyada elektromobil ishlab chiqarish sohasida rivojlanayotgan imkoniyatlarni ko‘rsatishga qaror qilindi.
Overchuk ikki yildan so‘ng Yevroosiyo iqtisodiy komissiyasi yana bu masalaga qaytganida, bojni qayta tiklash uzaytirilmasligi mumkinligini taxmin qildi.
Hozirda KAMAZ va Rosatom Belarus va O‘zbekistonda "Atom" ixcham elektromobillarini ishlab chiqaruvchi zavodlarni qurish masalasini ko‘rib chiqmoqda.
Eslatib o‘tamiz, Tataristonning "Kama" kompaniyasi tomonidan ishlab chiqilgan "Atom" elektromobili O‘zbekistonda yig‘ila boshlanishi mumkin. Rossiya iqtisodiy rivojlanish vaziri o‘rinbosari Dmitriy Volvachning ma’lum qilishicha, O‘zbekiston vakillari "Atom"ning yirik uzelli yig‘ish jarayonini yo‘lga qo‘yishga qiziqish bildirishmoqda, keyinchalik esa ushbu elektromobilni ishlab chiqarish to‘liq mahalliylashtirishni istashmoqda.
"Atom" elektromobilini seriyali ishlab chiqarish 2025-yildan boshlanadi, lekin shunga qaramasdan bugungi kunda u Rossiyada allaqachon 36 mingta buyurtma olgan.
Avtomobilning eng qiziqarli qismlaridan biri — uning akkumulyatordir. "Rosatom" korporatsiyasi tomonidan ishlab chiqiladigan akkumulyator yuqori energiya zichligiga ega bo‘lib, bir quvvatlashda avtomobilga 500 km masofa bosib o‘tish imkonini beradi.