Toshkentdagi xalqaro hunarmandchilik yarmarkasi

TOShKENT, 15 noya — Sputnik. Bugun Toshkentda “Craft fair Uzbekistan 2023” II Xalqaro hunarmandchilik mahsulotlari va texnologiyalari yarmarkasi ochildi, deya xabar berdi Sputnik O‘zbekiston muxbiri.

1 / 11

Milliy bezaklar

2 / 11

Milliy chopon va so‘zanalar.

3 / 11

Hunarmandchilik yarmarkasi ishtirokchilaridan biri o‘zi yasagan mahsulotlarni namoyish etmoqda.

4 / 11

O‘zbek milliy kashtachiligi

5 / 11

Milliy libosdagi qo‘g‘irchoqlar

6 / 11

Milliy pichoqlar

7 / 11

Markaziy va Janubiy Osiyo xalqlarining cholg‘u asbobi — dutor

8 / 11

Anor naqshlari bilan bezatilgan milliy chopon - unumdorlik ramzi

9 / 11

Usta chekichni yasash jarayonini ko‘rsatmoqda - o‘zbek nonlariga naqsh solish moslamasi

10 / 11

Kulol g‘ildiragi va uning ustida yasalgan ko‘zalar

11 / 11

Hunarmandchilik yarmarkasi

Hunarmandchilik yarmarkasida O‘zbekistondan ikki yuzga yaqin hunarmand, shuningdek, Rossiya, Qozog‘iston, Qirg‘iziston, Tojikiston, Hindiston, Afg‘oniston va boshqa mamlakatlardan qirqqa yaqin vakil ishtirok etmoqda. O‘zbek hunarmandlari respublikaning turli hududlariga xos bo‘lgan turli amaliy san’at turlarini namoyon etadi.

Mehmonlar milliy mato va kashtachilik, yog‘och o‘ymakorligi, gilam, lak miniaturalari, kulolchilik, misdan yasalgan buyumlarni tomosha qilishlari mumkin. Tadbir dasturidan loydan ko‘zalar, ip va gazlamalar, bolalar beshigi, milliy bosh kiyim (do‘ppi) yasash bo‘yicha mahorat saboqlari ham o‘rin olgan.

Yarmarka “O‘zekspomarkaz” ko‘rgazmalar majmuasida 17-noyabrga qadar davom etadi.

Toshkentdagi xalqaro hunarmandchilik yarmarkasi: yaratishdan tortib tayyor eksponatlargacha