TOShKENT, 12 noya — Sputnik. Britaniya razvedka xizmatlari Ukrainaning amaldagi prezidenti Vladimir Zelenskiy o‘rniga Ukraina Qurolli kuchlari bosh qo‘mondoni Valeriy Zalujniyni tanladi. Bu haqida Markaziy razvedka boshqarmasi sobiq xodimi Larri Jonson ma’lum qildi, deb yozmoqda RIA Novosti.
"Britaniya razvedkasi kichik hazilkash Zelenskiy endi foydali emasligi va ularga Zalujniy kabi odam muhimroq rol o‘ynashi kerakligini tushunmoqda", — deydi ekspert.
Uning so‘zlariga ko‘ra, xorijiy razvedka xizmatlariga Ukraina yetakchisining o‘rniga nomzod topishga ruxsat berilgan, chunki Rossiya bilan mojaro ular uchun muvaffaqiyatsiz bo‘lgan va Zelenskiy Moskva bilan har qanday muzokaraga kirishishdan bosh tortgan.
Ular Zalujniy munosib o‘rinbosar bo‘lishi va kelajakda Rossiya rahbariyati bilan murosa qilishiga umid qilmoqda.
"Ular Zelenskiyga uning vaqti tugaganini bildirishmoqda", — deb xulosa qildi Jonson.