TOShKENT, 12 noya — Sputnik. Sirdaryo viloyatining Guliston shahrida 100 ga yaqin sport avtomobillari ishtirokida "Drift show caravan" loyihasi tashkil etildi, deya xabar berdi viloyat hokimligi.
Unda DJ’larning jonli chiqishlari, tuning avtomobillar ko‘rgazmasi, test-drayv, driftlar va turli xildagi ko‘ngilochar dasturlar yig‘ilganlar e’tiboriga havola qilindi.
Eslatib o‘tamiz, avgust oyida ham Sirdaryo viloyatining Guliston shahrida avtomobil haydovchilari uchun katta bayram “Drift show caravan” bo‘lib o‘tgan edi. Festivalda 60 dan ortiq sozlangan avtomobil va motosikllar ishtirok etgan.