TOShKENT, 12 noya — Sputnik. “Mehrli maktab” jamoasi Moskva shahrida o‘tkazilgan V xalqaro konferensiyada ishtirok etdi. Bu haqida Maktabgacha va maktab ta’limi vazirligi xabar berdi.
Konferensiya “Uzoq muddat davolanayotgan bolalarning konstitutsiyaviy huquqlarini himoya qiluvchi va amalga oshiruvchi gospital ta’lim modelini joriy etishni ilmiy-metodik ta’minlash” mavzusida bo‘lib o‘tdi.
Unda MDH davlatlari va Rossiyadan jami 1 500 dan ortiq mutaxassislar ro‘yxatdan o‘tishdi.
“Mehrli maktab” jamoasi Moskva shahrida o‘tkazilgan V xalqaro konferensiyada ishtirok etdi.
© Ministerstvo doshkolnogo i shkolnogo obrazovaniya Uzbekistana
”Mehrli maktab vakillari konferensiyadagi ma’ruzasida ishtirokchilarni O‘zbekistonda uzoq muddatli davolanishda bo‘lgan bolalar uchun yaratilgan ta’lim-tarbiya tizimi to‘g‘risidagi ma’lumotlar bilan tanishtirishdi”, — deyiladi xabarda.
Konferensiya ishi doirasida vazirlik hamda “UchimZnayem” loyihasi bilan birgalikda O‘zbekiston gospital maktablarida sifatli va samarali ta’lim berishni yanada mustahkamlash borasidagi ishlar bo‘yicha hamkorlik masalalari kelishib olindi.