TOShKENT, 11 noya — Sputnik. Badiiy gimnastika bo‘yicha “Maktabgacha va maktab ta’limi vaziri kubogi” sport musobaqalarining g‘oliblari aniqlandi. Bu haqda Maktabgacha va maktab ta’limi vazirligi matbuot xizmati xabar berdi.
© Ministerstvo doshkolnogo i shkolnogo obrazovaniya
Kecha, 10-noyabr kuni poytaxtdagi Gimnastika bo‘yicha Respublika olimpiya zaxiralari ixtisoslashtirilgan bolalar-o‘smirlar sport maktabida badiiy gimnastika bo‘yicha “Maktabgacha va maktab ta’limi vaziri kubogi” sport musobaqalarining respublika (final) bosqichi bo‘lib o‘tdi.
© Ministerstvo doshkolnogo i shkolnogo obrazovaniya
Unda jami 154 nafar (har bir hududdan 11 nafardan) ishtirokchi g‘oliblik uchun bahs yuritishdi. Yakuniy natijalarga ko‘ra, musobaqaning yakkalik bahslarida:
1-o‘rinni — Anna Lorovskaya (Toshkent shahri);
2-o‘rinni — Ilzara Piokunova (Namangan viloyati);
3-o‘rinni — Darya Katanina (Buxoro viloyati);
Musobaqaning guruh bahslarida:
1-o‘rinni — Toshkent shahri;
2-o‘rinni — Buxoro viloyati;
3-o‘rinni — Sirdaryo viloyati jamoalari egallashdi.
© Ministerstvo doshkolnogo i shkolnogo obrazovaniya
Musobaqa g‘oliblarining har bir a’zosi monoblok (1-o‘rin), tikuv mashinasi (2-o‘rin), smart soat (3-o‘rin)lar, diplom, tegishli ravishda oltin, kumush va bronza medallari hamda “Maktabgacha va maktab ta’limi vaziri kubogi” bilan taqdirlanishdi.