Futbol: O‘zbekiston U-17 terma jamoasi JChni yirik mag‘lubiyat bilan boshladi

16:14, 10-Noyabr 2023

Futbol bo‘yicha 17 yoshgacha bo‘lgan futbolchilar o‘rtasidagi jahon chempionati guruh bosqichida Ispaniya, Kanada hamda Maliga qarshi o‘ynadi.

Sputnik

TOShKENT, 10 noya — Sputnik. Futbol bo‘yicha O‘zbekiston U-17 terma jamoasi Indoneziyada boshlangan jahon chempionatini mag‘lubiyat bilan boshladi.

Futbol bo‘yicha O‘zbekiston U-17 terma jamoasi

Bugun Maliga qarshi maydonga tushgan o‘zbekistonlik futbolchilar 3:0 hisobida mag‘lubiyatga uchradi. Raqiblar birinchi golni 30-daqiqada kiritishdi. Ikkinchi gol esa Behruz Jo‘matov raqib futbolchisiga qo‘pollik ishlatgani uchun belgilangan 72-daqiqadagi penaltidan kiritildi. Uchinchi to‘p ham uch daqiqa o‘tar-o‘tmas o‘zbekistonlik darvozasini ishg‘ol qildi. Har uchta golga Mali himoyachisi Mamadu Dumbiya mualliflik qildi.

1 / 6

2 / 6

3 / 6

4 / 6

5 / 6

6 / 6

Futbol bo‘yicha 17 yoshgacha bo‘lgan futbolchilar o‘rtasidagi jahon chempionati guruh bosqichida O‘zbekiston "B" guruhidan joy olgan. Mazkur guruhda o‘zbekistonliklarga Ispaniya, Kanada hamda Mali termalari raqiblik qilmoqda.

Musobaqa 10-noyabrdan 2-dekabrga qadar bo‘lib o‘tadi. Unda 24 ta jamoa g‘oliblik uchun kuch sinashishni boshlagan.