TOShKENT, 10 noya — Sputnik. O‘zgidromet dam olish kunlari kutilayotgan ob-havo haqida ma’lumot berdi.
Sinoptiklar prognoziga ko‘ra, bugun, juma kuni, respublika bo‘ylab havo biroz bulutli bo‘ladi, ba’zi joylarda o‘zgarib turadi, yog‘ingarchilik kutilmaydi.
11 noyabr, shanba kuni, kunning ikkinchi yarmida Buxoro va Navoiy viloyatlarida, kechga tomon esa Toshkent, Samarqand, Jizzax va Sirdaryo viloyatlarida yomg‘ir yog‘adi. Respublikaning qolgan hududlarida yog‘ingarchilik kutilmaydi.
Yakshanba kuni mamlakat bo‘ylab yog‘ingarchilik kutilmaydi, faqat kechasi va ertalabgi soatlarda Farg‘ona vodiysi viloyatlarida va Toshkent viloyatining ba’zi joylarida yomg‘ir yog‘adi.
10-12 noyabr kunlari respublika bo‘yicha ba’zi joylarda shamol 15-20 m/s gacha kuchayishi mumkin.
Tog‘oldi va tog‘li hududlarda 11-noyabr va 12-noyabr kunlari kechga tomon yog‘ingarchilik (yomg‘ir, qor) bo‘ladi, Toshkent viloyatida ba’zi joylarida kuchli bo‘ladi.
Bugun va dam olish kunlari havo harorati kechasi +3...+8 daraja, kunduzi +13...+18 daraja bo‘lishi saqlanib turadi.
Poytaxtda 10-noyabr kuni yog‘ingarchilik kutilmaydi. 11-noyabr kuni kechga tomon yomg‘ir yog‘adi. 12-noyabr kuni kechasi va ertalab yomg‘ir yog‘adi, kunduzi yog‘ingarchilik kutilmaydi.
Kunduz kungi harorat bugun va ertaga harorat +16...+18 daraja iliq, yakshanba kuni esa +13...15 daraja iliq, kechasi +4...+7 daraja atrofida bo‘ladi.
Sharqiy shamol yo‘nalishini o‘zgartirib g‘arbdan 3-8 m/s tezlikda esadi, 11-noyabr kuni 12-15 m/s gacha kuchayishi mumkin.