TOShKENT, 9 noya — Sputnik. Toshkent shahri Shayxontohur tumanida joylashgan “Baland” jome masjidi qayta tiklanmoqda, deya xabar berdi Madaniy meros agentligi.
Mutasaddilar obyektni restavratsiya, rekonstruksiya hamda ta’mirlash-tiklash bo‘yicha amalga oshirilayotgan ishlarni o‘rganishdi.
Madaniy meros agentligining Ilmiy ekspert kengashi shu yil 6-8 aprelida masjid qurilish ishlarini amalga oshirish loyihasini ko‘rib chiqib, ma’qullagan edi.
Poytaxtda bir yarim asrlik obida qayta tiklanmoqda
© Agentstva kulturnogo naslediya
Binoning tarixiy qismiga shikast yetkazmagan holda poytaxt Madaniy meros boshqarmasi nazorati ostida atrofini rekonstruksiya qilishga ruxsat berilgan.
Baland masjidi 1857-yilda qurilgan. Hozir obyekt davlat mulki hisoblanadi.