TOShKENT, 9 noya — Sputnik. O‘zbekiston va Qatar Buxoroda yangi loyihalarni amalga oshirishni rejalashtirmoqda. Bu haqda O‘zbekiston Investitsiyalar, sanoat va savdo vazirligi xabar berdi.
Qatarning sobiq bosh vaziri, qator yirik investitsiya va sanoat xoldinglari asoschisi Hamad bin Jassim Ol-Soniy boshchiligidagi delegatsiya investitsiyalar, sanoat va savdo vaziri Laziz Kudratov hamrohligida Buxoro viloyatiga tashrif buyurdi.
O‘zbekiston va Qatar Buxoroda yangi loyihalarni amalga oshirishni rejalashtirmoqda
© Ministerstvo investitsiy, promishlennosti i torgovli respubliki Uzbekistan
Tashrif dasturiga muvofiq, Buxoro shahridagi qishloq xo‘jaligi klasteri faoliyati bilan tanishildi.
Hamad bin Jassim Ol-Soniyga qishloq xo‘jaligi klasteri faoliyatini kengaytirish bo‘yicha rejalashtirilgan loyihalar, Buxoro viloyatining savdo-iqtisodiy imkoniyatlari va umuman, O‘zbekistonda yaratilgan investitsiya muhitining qulay sharoitlari taqdim etildi.
O‘zbekiston va Qatar Buxoroda yangi loyihalarni amalga oshirishni rejalashtirmoqda
© Ministerstvo investitsiy, promishlennosti i torgovli respubliki Uzbekistan
"Taqdimotlar chog‘ida turli sohalarda hamkorlikni kengaytirish imkoniyatlari muhokama qilindi. Xususan, tayyor to‘qimachilik mahsulotlari ishlab chiqarish va turizm infratuzilmasini rivojlantirish bo‘yicha istiqbolli loyihalarni birgalikda amalga oshirishga kelishildi", — deyiladi xabarda.
O‘zbekiston va Qatar Buxoroda yangi loyihalarni amalga oshirishni rejalashtirmoqda
© Ministerstvo investitsiy, promishlennosti i torgovli respubliki Uzbekistan
Mehmonlar Buxoroning jahonga mashhur me’moriy ansambllariga ham tashrif buyurishdi.