TOShKENT, 9 noya — Sputnik. Yevroosiyo Iqtisodiyo ittifoqida (YeOII) Hududlararo hamkorlik portali ishga tushdi. Bu haqda MIR telekanaliga Yevroosiyo iqtisodiy komissiyasi (YeIK) Iqtisodiy siyosat strategiyalari departamenti rahbari Andrey Panteleyev ma’lum qildi.
“YeOIIda mintaqalararo hamkorlik bo‘yicha axborot portali ishga tushdi. Unda YeOII mamlakatlari hududiy boshqarmalari, tadbirkorlar, investorlar yoki boshqa istalgan xo‘jalik yurituvchi subyektlar o‘z kompaniyalari, ishlab chiqargan mahsulotlari, xizmatlari, shuningdek, joriy va potensial investitsiya loyihalari to‘g‘risidagi ma’lumotlarni joylashtirishlari mumkin.
Bu tadbirkorlar uchun yaxshi va bepul reklama bo‘ladi, ular Ittifoqning boshqa davlatlarida o‘zlari uchun potensial hamkorlar topishlari oson bo‘ladi", — dedi komissiya vakili.
Panteleyevning aytishiga ko‘ra, Ittifoq davlatlar rahbarlari tashabbusi bilan hududlararo hamkorlik YeOIIning 2025-yilgacha qabul qilingan strategiyasiga kiritilgan. YeIK ham bu ishni amalga oshirish borada chora-tadbirlar ro‘yxatini ishlab chiqqan va amalga tatbiq etmoqda.
YeIK departamenti rahbari YeOIIda mintaqalararo hamkorlik, ayniqsa, biznes sohasida faollashayotganini aytib o‘tdi. Misol tariqasida Rossiya-Qirg‘iziston hamkorligi keltirilgan. Ushbu ikki davlat hududlararo konferensiyasida viloyatlarda orasida qariyb 900 million dollarlik loyihalarni amalga oshirish bo‘yicha kelishuvlarga erishilgan.