TOShKENT, 8 noya — Sputnik. Markaziy Osiyo davlatlarining o‘zaro hamkorligi barcha manfaatdor tomonlarning birgalikdagi sa’y-harakatlari natijasida yanada ko‘proq foyda keltirishi mumkin, dedi Rossiya prezidenti Vladimir Putin “Kazaxstanskaya pravda” gazetasiga bergan intervyusida.
Rossiya rahbarining fikricha, Markaziy Osiyo mintaqasida birlashtiruvchi tendensiyalar kuchayib bormoqda.
“Buni joriy yilning 14-sentabr kuni Dushanbe shahrida bo‘lib o‘tgan Markaziy Osiyo davlatlari rahbarlarining navbatdagi maslahat uchrashuvi yakunlari ham tasdiqladi. Buning fonida “Markaziy Osiyo plyus Rossiya” formatiga talab tobora ortib bormoqda. Shubhasiz, transport-logistika, energetika va gumanitar sohalardagi o‘zaro hamkorligimiz ikki tomonlama hamkorlik doirasidan oshib ketdi va barcha manfaatdor tomonlarning birgalikdagi sa’y-harakatlari orqali yanada ko‘proq foyda keltirishi mumkin”, — dedi u.
Shuningdek, Putin Markaziy Osiyoning “oltilik” mamlakatlari o‘zaro hamkorligining ustuvor yo‘nalishlari qatorida xavfsizlik, iqtisodiyot va savdo, energetika sohalarida hamkorlik borligini aytdi.