TOShKENT, 6 noya — Sputnik. Rossiyalik dizaynerlar Samarqanddagi Registon maydonini chiroqli video installyatsiya bilan jihozlashni rejalashtirmoqda. Bu haqida Sputnik O‘zbekiston muhbiri xabar berdi.
O‘zbekiston madaniy merosini o‘rganish, saqlash va ommalashtirish bo‘yicha Butunjahon jamiyatining VII Xalqaro kongressi doirasida rossiyalik dizaynerlar yangi illyuziya loyihalarini taqdim etdi.
Rossiyaning “Nur kuchi” dizayn-multimedia studiyasi hammuassisi va kreativ produseri Aleksandr Us Registon maydonidagi uchta maydonda yorug‘lik video montajini tashkil etish g‘oyasi bilan chiqdi.
“Biz foydalanadigan badiiy chiroq me’moriy obidaning detallarini ajratib ko‘rsatishga xizmat qiladi” — deydi Aleksandr Us.
Eslatib o‘tamiz, kecha Samarqandda O‘zbekiston madaniy merosiga bag‘ishlangan xalqaro kongress ish boshladi. unda O‘zbekiston, Rossiya, Avstriya, Gretsiya, Eron, Turkmaniston, Turkiya, Hindiston va Ozarbayjon olimlari jahondagi o‘zbek kolleksiyalari haqida so‘z yuritishdi.