TOShKENT, 1 noya — Sputnik. 2034-yilgi jahon chempionati Saudiya Arabistonida o‘tkaziladi, deya xabar berdi O‘zbekiston futbol assotsiatsiyasi.
Xalqaro futbol federatsiyasi (FIFA) prezidenti Janni Infantinoning ma’lum qilishicha, 2034-yilgi jahon chempionati Saudiya Arabistonida bo‘lib o‘tadi.
FIFA Osiyo va Okeaniya mamlakatlariga musobaqani qabul qilish uchun 31-oktabrga qadar ariza yuborishni taklif qilgan edi.
"Saudiya Arabistoni futbol assotsiatsiyasi ushbu muddat tugagunga qadar mezbonlik qilish uchun ariza topshirgan yagona nomzod bo‘ldi", — deyiladi xabarda.