TOShKENT, 28 okt — Sputnik. Tatariston raisi Rustam Minnixanov “Yalla” guruhining badiiy rahbari Farrux Zokirovga “Tatariston xalq artisti” faxriy unvonining ko‘krak nishonini topshirdi. Bu haqda “Tatar-inform” xabar berdi.
Minnixanovning ta’kidlashicha, Tatariston Rossiyaning Osiyo va Sharq mamlakatlari bilan do‘stona aloqalarini mustahkamlash uchun harakat qilmoqda.
Farrux Zokirov Tataristonga “Rossiya-Sharq” (“Qozondagi Sharq bozori”) xalqaro milliy madaniyat festivalida ishtirok etish uchun tashrif buyurgandi.
Minnixanov Zokirovga festivalga ko‘rsatgan e’tibori, musiqa san’ati rivojiga qo‘shgan salmoqli hissasi uchun minnatdorlik bildirdi.