TOShKENT, 28 okt — Sputnik. O‘zbekiston prezidenti Shavkat Mirziyoyev Qozog‘iston prezidenti Qasim-Jomart Toqayevga Qarag‘andi viloyatidagi Kostenko nomidagi konda ro‘y bergan portlash oqibatida insonlar halok bo‘lgani va jarohat olgani munosabati bilan hamdardlik yo‘lladi. Bu haqda prezident matbuot kotibi xabar berdi.
Davlat rahbari kon ichida qolayotgan konchilar tez fursatda qutqarilishiga umid bildirgan.
28 oktabr kuni Qarag‘andi viloyatidagi Kostenko nomidagi konda ko‘mir shaxtasi portladi, qurbonlar soni 32 kishiga yetdi. Yana 14 nafar konchi qidirilmoqda. Prezident Qasim-Jomart Toqayev 29-oktabrni Qozog‘istonda umummilliy motam kuni deb e’lon qildi. Avariyaga lavada gaz metanining portlashi sabab bo‘lgan.