TOShKENT, 25 okt — Sputnik. Ibrohim Abdurahmonov qishloq xo‘jaligi vaziri etib tayinlanishi e’lon qilindi. Bu haqida prezident matbuot kotibi Sherzod Asadov ma’lum qildi.
Qayd etilishicha, Qarshi shahrida prezident Shavkat Mirziyoyev raisligida Qashqadaryo viloyatini ijtimoiy-iqtisodiy rivojlantirish masalalari yuzasidan yig‘ilish bo‘lib o‘tmoqda.
"Oliy ta’lim, fan va innovatsiyalar vaziri Ibrohim Abdurahmonov qishloq xo‘jaligi vaziri etib tayinlanishi haqida e’lon qilindi", — deb yozadi Asadov o‘zning Telegram-kanalida.
Ma’lumot uchun, Ibrohim Abdurahmonov 2022-yil O‘zbekiston oliy ta’lim, fan va innovatsiyalar vaziri lavozimiga tayinlangandi.
Ibrohim Abdurahmonov 1975-yilda Namangan viloyati Chust tumanida tug‘ilgan. 1992-1997 yillarda Toshkent davlat universiteti, 2001-yil AQShdagi Texas qishloq xo‘jaligi va mexanika universitetini tamomlagan.