TOShKENT, 24 okt — Sputnik. Paraosiyo o‘yinlarida ikkinchi kun bellashuvlari O‘zbekiston delegatsiyasi uchun muvaffaqiyatli boshlandi, deya xabar berdi Milliy olimpiya qo‘mitasi.
Para-kanoe bo‘yicha erkaklar o‘rtasida KL3 klassida bahslar yakunlandi. Unda Hasan Qo‘ldashev marraga birinchi bo‘lib yetib keldi va oltin medalni qo‘lga kiritdi.
Shuningdek, para-kanoechilar ikkinchi startni ham omadli o‘tkazishdi. Shahnoza Mirzayeva ayollar o‘rtasida KL3 klassida kechgan poygada marra chizig‘ini birinchi bo‘lib kesib o‘tib, oltin medalni naqd qildi.
