TOShKENT, 23 okt — Sputnik. Yevropa Rossiyaga qarshi sanksiyalardan Rossiyaning o‘ziga qaraganda ko‘proq zarar ko‘rdi. Bu haqda nemis jurnalisti Volfgang Munxau Britaniyaning "New Statesman" nashriga ma’lum qildi, deb yozmoqda RIA Novosti.
Qayd etilishicha, Yevropa Rossiyaga qarshi sanksiyalardan Rossiyaning o‘ziga qaraganda ko‘proq zarar ko‘rdi. Yevropa Ittifoqi kelajakda parchalanishi mumkin.
"Sanksiyalar YeIga Rossiyadan ko‘ra ko‘proq zarar keltirdi. G‘arb yetakchilari bunday kattalikdagi mamlakatni izolyatsiya qilish qanchalik qiyinligini <...> yetarlicha baholamadilar", — deb yozadi sharhlovchi.
Jurnalist o‘z bayonotini Xalqaro valyuta jamg‘armasining prognozi bilan mustahkamlagan, unga ko‘ra, Rossiya iqtisodiyoti 2023-yil oxirigacha Britaniya, Fransiya, Germaniya va Italiyaga qaraganda kuchliroq o‘sadi.
Bundan tashqari, Munxauning fikricha, Ukrainadagi urush YeI kuchlarini haddan tashqari taranglashtirgan. Uning qo‘shimcha qilishicha, Yevropa yetakchilarida mojaroga barham berish bo‘yicha umumiy strategiya yo‘q.
Shuningdek, u mojaro tugaganidan keyin Ukrainani qayta tiklash xarajatlari joriy hisob-kitoblarga qaraganda ancha yuqori bo‘lishini aytdi.
"Menimcha, Moskva bilan kelishuvga erishish va Ukrainani tiklash uchun katta mablag‘ to‘lash vaqti kelganida Yevropa birligi buziladi", - deya xulosa qildi Munxau.