TOShKENT, 20 okt — Sputnik. Bugundan Toshkent shahri Shayxontohur tumanidagi Botir Zokirov ko‘chasi qisman yopiladi, deya xabar berdi poytaxt hokimligi.
Shayxontohur tumani Botir Zokirov (Olmazor) ko‘chasining Islom Karimov shoh ko‘chasidan Alisher Navoiy ko‘chasigacha bo‘lgan qismida yo‘l ta’mirlash ishlari olib boriladi.
Shu sababli yo‘lning bir tomoni joriy yilning 20-oktabr soat 06:00 dan 22-oktabr 06:00 gacha transport harakati uchun yopiladi.
Bugundan Toshkent shahri Shayxontohur tumanidagi Botir Zokirov ko‘chasi qisman yopiladi.
"Har ikki yo‘nalishda harakatlanish yo‘lning ikkinchi tomonida amalga oshiriladi", — deyiladi xabarda.
Xabarda haydovchilardan aylanma yo‘llardan foydalanish so‘ralgan.