TOShKENT, 19 okt — Sputnik. Ijtimoiy tarmoqlarda "Novza bekatida poyezdlar to‘qnashib ketdi" mazmunidagi xabarlar tarqalmoqda. Holat yuzasidan Toshkent metropoliteni munosabat bildirdi.
“Toshkent metropolitenida bugungi kunda hech qanday poyezdlar o‘rtasida to‘qnashuv hamda bu kabi nosozlik holatlari kuzatilgani yo‘q”, - deyiladi xabarda.
Shuningdek, ijtimoiy tarmoq foydalanuvchilaridan bu kabi tasdiqlanmagan ma’lumotlarni tarqatmaslik so‘ralgan.