TOShKENT, 18 okt — Sputnik. Surxondaryo viloyatidagi temir yo‘l kesishmasida teplovoz “Spark”avtomashinasi bilan to‘qnashib ketdi. Bu haqda "O‘zbekiston temir yo‘llari" AJ axborot xizmati xabar berdi.
Hodisa bugun, 18-oktabr kuni, Sho‘rchi-Xayrobod uchastkasidagi qo‘riqlanmagan temir yo‘l kesishmasida sodir bo‘lgan. Hodisaga avtomashina haydovchisining harakatlanish qoidasini qo‘pol buzgani sabab bo‘lgan.
To‘qnashuv oqibatida teplovoz biroz shikastlangan, poyezd yo‘lovchilari jabrlanmagan. “Spark” haydovchisi shifoxonaga olib borilgan. Biroq ko‘rsatilgan yordamga qaramay, u vafot etgan.
Hozir voqea yuzasidan tekshiruv olib borilmoqda.