TOShKENT, 17 okt — Sputnik. “Uzbekistan Airways” 60 yoshdan oshgan erkaklar va 55 yoshdan katta ayollarga 25 foizli chegirma e’lon qildi.
Aviakompaniya matbuot xizmati xabariga ko‘ra, chegirma 1-noyabrdan boshlab 30-noyabrga qadar amalga oshiriladigan barcha ichki aviaqatnovlarning ekonom-klassi uchun (K-klass va undan yuqori) taqdim etiladi.
Chegirmali aviachiptalarni Uzbekistan Airways Sales filiali yoki O‘zbekistonda joylashgan aviakompaniya agentlaridan xarid qilish mumkin.
Xabarda aviachipta sotib olayotganda pasport yoki ID karta talab etilishi qo‘shimcha qilingan.