TOShKENT, 17 okt — Sputnik. Pekin shahridagi Xalq yig‘inlari uyida “Bir makon, bir yo‘l” uchinchi xalqaro forumida ishtirok etayotgan delegatsiyalar rahbarlarini rasmiy kutib olish marosimi bo‘ldi. O‘zbekiston prezidenti Shavkat Mirziyoyev va rafiqasini Xitoy Xalq Respublikasi raisi Si Szinpin va rafiqasi tantanali kutib oldi, deya xabar berdi prezident matbuot xizmati.
Marosimda Birlashgan Millatlar Tashkiloti bosh kotibi Antoniu Guterrish, Rossiya prezidenti Vladimir Putin, Qozog‘iston prezidenti Qasim-Jomart Toqayev, Vengriya bosh vaziri Viktor Orban, Pokiston bosh vaziri vazifasini bajaruvchi Anvar ul-Haq Kakar, Turkman xalqining milliy yetakchisi, Turkmaniston Xalq Maslahati raisi Gurbanguli Berdimuhamedov, qator boshqa mamlakatlarning davlat va hukumatlar rahbarlari ham ishtirok etdi. Birgalikda suratga tushildi.
Mehmonlarga teatrlashtirilgan konsert dasturi taqdim etildi.
Forumning asosiy tadbirlari ertaga, 18-oktabr kuni bo‘lib o‘tadi.