TOShKENT, 17 okt — Sputnik. Los-Anjelesda bo‘lib o‘tadigan XXXIV yozgi Olimpiya o‘yinlari dasturiga yana 5 ta sport turi kiritildi. Bu haqda Xalqaro olimpiya qo‘mitasining Hindistonning Mumbay shahrida bo‘lib o‘tgan 141-sessiyasida ma’lum qilindi.
Los-Anjeles-2028 Olimpiada o‘yinlarida quyidagi sport turlari bo‘yicha medal uchun kurashish mumkin bo‘ladi:
beysbol/softbol;
lakross;
kriket;
skvosh;
flag-futbol.
Los-Anjelesdagi Olimpiya o‘yinlari 2028-yil 14-iyuldan 30-iyulga qadar bo‘lib o‘tadi.