Yaqin Sharqdagi inqiroz uchun asosiy mas’uliyat AQSh zimmasida - Rossiya TIV

TOShKENT, 16 okt — Sputnik. Falastin-Isroil inqirozi uchun asosiy mas’uliyatni o‘z zimmasiga olgan Vashington uning uchun "to‘g‘ri" yechim ishlab chiqishga to‘sqinlik qilmoqda, dedi Rossiya Federatsiyasi tashqi ishlar vaziri o‘rinbosari Sergey Rabkov. RIA Novosti xabariga asosan.

"Ushbu dramatik, og‘ir inqiroz uchun asosiy mas’uliyat — Qo‘shma Shtatlar zimmasida, chunki ular uzoq yillar davomida ushbu sohadagi kelishuvlarni monopoliyalashtirishga urinib, BMT Xavfsizlik Kengashining tegishli rezolyutsiyalarini e’tiborsiz qoldirdi. Hozir esa AQSh vaziyatga to‘g‘ri yechim topishga to‘sqinlik qilmoqda", — dedi Rabkov "Rossiya 24" telekanali efirida.

Rabkov, shuningdek, Rossiya G‘azodagi inqiroz fonida BMT Xavfsizlik Kengashiga gumanitar rezolyutsiya loyihasini taqdim etganini ma’lum qildi.

“Ushbu anklav (G‘azo sektori - tahr.) hududi va u yerda yashovchilar haqiqatda gumanitar falokat vaziyatida ... Ularga na tibbiy yordam ko‘rsatilyapti, na boshqa ehtiyojlar qondirilmoqda. Bularning barchasi dunyoda katta tashvish uyg‘otmoqda. Rossiya Federatsiyasi siyosiy yo‘nalishdagi sa’y-harakatlarni maksimal darajada ko‘rmoqda, biz hozirgina bu haqda gapirgan edik, jumladan, BMT Xavfsizlik kengashi orqali biz gumanitar masalalarga qaratilgan rezolyutsiya loyihasini taqdim etdik”, — dedi vazir o‘rinbosari.

Rabkov aytishiga ko‘ra, Isroil armiyasi nishonlarga tanlamasdan zarba bermoqda, G‘azo sektoriga bostirib kirish xavfi bor.

“Bizning baholashimizga ko‘ra, Isroil armiyasi tomonidan amalga oshirilayotgan operatsiya doirasida nishonlarga tanlamasdan zarba berilmoqda, quruqlikdagi operatsiya va G‘azoga kirish xavfi saqlanib qolmoqda”, — dedi Rabkov.