TOShKENT, 5 okt — Sputnik. Rossiya poytaxtidagi "Xalq xo‘jaligi yutuqlari ko‘rgazmasi" (VDNX) majmuasi hududida yangilagan O‘zbekiston paviloni ochildi. Uning ochilish marosimida Rossiya hukumati raisi o‘rinbosari – Rossiya sanoat va savdo vaziri Denis Manturov, O‘zbekiston bosh vaziri o‘rinbosari Jamshid Xodjayev va Moskva meri Sergey Sobanin ishtirok etishdi.
“Rossiya va O‘zbekiston tarixi hamisha do‘stlik va hamkorlik rishtalari bilan bog‘langan. O‘rtamizda barcha sohalarda yaqin aloqalar yo‘lga qo‘yilgan. Mamlakatingiz haqiqiy burgachini yaratishga muvaffaq bo‘ldingiz. Bularning bari O‘zbekistonning takrorlanmas muhitini his ettiradi, bizning do‘stlarimiz va qo‘shnilarimizni yaqinroq tushunishga imkon beradi”, - dedi Manturov.
Xodjayev, o‘z navbatida, 66-pavilonda Moskva aholisi va poytaxt mehmonlari O‘zbekistoning qishloq xo‘jaligi va sanoatdagi yutuqlari bilan tanishish hamda uning milliy madaniyati muhitiga sho‘ng‘ish imkoniyatiga ega bo‘lishganini qayd etdi.
“Ko‘p yillar o‘tib, O‘zbekiston Respublikasi va Rossiya Federatsiyasi rahbarlari tashabbusi hamda mamlakatlarimiz va xalqlarimizning tarixiy do‘stona munosabatlarni mustahkamlashga bo‘lgan intilishi bilan O‘zbekiston paviloni qaytadan tiklandi va o‘zining me’moriy qiyofasi va boy mazmuni bilan xushnud qilmoqda”, - dedi u.
O‘zbekiston paviloni beshta ko‘rgazma zalidan iborat. Ularda o‘ymakorlik, milliy o‘zbek kulolchiligi, matolari, qo‘lda tikilgan gilam va boshqa buyumlar namoyishga qo‘yilgan.
“O‘zbekistoning sayyohlik salohiyati” zalida Samarqand, Buxoro, Xiva, Qo‘qon kabi tarixiy shaharlariga virtual sayohat qilish mumkin.
Rossiya va O‘zbekiston o‘rtasida imzolangan bitimga muvofiq, VDNXdagi pavilon O‘zbekistonga 49-yilga ijaraga berilgan.