TOShKENT, 2 okt — Sputnik. Joriy yil 29-sentabr kuni Pekindagi “Gugun” Imperator saroyi muzeyida “Bir makon, bir yo‘l” doirasidagi madaniy meros va arxeologiya sohasida hamkorlik arxeologik ko‘rgazmasi ochildi. Bu haqda Madaniyat va san’atni rivojlantirish jamg‘armasi ma’lum qildi.
© Fonda razvitiya kulturi i iskusstva Respubliki Uzbekistan
Ta’kidlanishicha, tashrif buyuruvchilar Birlashgan Arab Amirliklari, O‘zbekiston, Qozog‘iston va Xitoy Xalq Respublikasining 80 dan ortiq muzey eksponatlarini tomosha qilishlari mumkin.
© Fonda razvitiya kulturi i iskusstva Respubliki Uzbekistan
O‘zbekiston Davlat tarix muzeyi va O‘zbekiston Fanlar akademiyasi San’atshunoslik instituti sara to‘plamlariga mansub 18 ta eksponat taqdim etilgan. Ular orasida sfinks tasviri tushirilgan haykaltaroshlik ilgaki (miloddan avvalgi II-I asrlar), sipoh boshli haykal parchasi (miloddan avvalgi I asr – milodiy 1-asr), qo‘sh jo‘mrakli ko‘za (milodiy II-III asrlar) va boshqa arxeologik topilmalar bor.
© Fonda razvitiya kulturi i iskusstva Respubliki Uzbekistan
Eksponatlar O‘zbekiston Madaniyat va san’atni rivojlantirish jamg‘armasi ko‘magida taqdim etilmoqda.
Ma’lumot uchun, “Bir makon, bir yo‘l” doirasidagi madaniy meros va arxeologiya sohasida hamkorlik ko‘rgazmasi Pekinda 2024-yil 5-yanvarga qadar davom etadi.
© Fonda razvitiya kulturi i iskusstva Respubliki Uzbekistan
© Fonda razvitiya kulturi i iskusstva Respubliki Uzbekistan