TOShKENT, 2 okt – Sputnik. Yerevanning KXShTdan chiqish imkoniyati haqidagi bayonotlari suveren tanlovdir, ammo Moskva “vaqtinchalik ma’muriyatlar” Rossiya va Armaniston o‘rtasidagi aloqalarni buzmasligiga umid qilmoqda, dedi Rossiya tashqi ishlar vaziri Sergey Lavrov Sochidagi matubuot anjumanida. RIA Novosti xabariga asosan.
“Agar Armanistonning ba’zi rahbarlari e’lon qilganidek, endi Rossiya va KXShTdan ko‘ngli qolib, o‘z hamkasblaridan o‘z xavfsizligini mustahkamlashga intilishsa, bu uning suveren tanlovi, Armaniston rahbariyatining tanlovidir. Umid qilamanki, rus xalqi... va arman xalqi o‘rtasida asrlar davomida mavjud bo‘lgan aloqalarni hech qanday vaqtinchalik ma’muriyatlar yo‘q qila olmaydi, — dedi u Valday xalqaro klubi yig‘ilishi yakunida jurnalistlarga.
2023 yil 19-sentabrda Ozarbayjon Qorabog‘da harbiy operatsiya boshladi, uning maqsadlaridan biri Qorabog‘ning barcha tan olinmagan boshqaruv organlarini tarqatib yuborish edi. Yerevan bu harakatlarini bosqinchilik sifatida baholab, Qorabog‘da arman bo‘linmalari yo‘qligini aytdi. Bir kun o‘tgach, Rossiya tinchlikparvar kuchlari vositachiligida o‘t ochishni to‘xtatish to‘g‘risida kelishuvga erishildi, sulh shartlari orasida, xususan, arman tuzilmalarini qurolsizlantirish belgilandi. Shundan so‘ng Qorabog‘ va Boku vakillari o‘rtasida mintaqani respublika tarkibiga qo‘shishga bag‘ishlangan bir necha muzokaralar bo‘lib o‘tdi. Ozarbayjon prezidenti Ilhom Aliyev Ozarbayjonning hududiy yaxlitligini tiklaganini aytdi.
Bundan 35-yil avval Ozarbayjon SSR tarkibidan chiqqanini e’lon qilgan va 1992-1994 yillardagi Ozarbayjon bilan qurolli to‘qnashuvdan so‘ng uzoq yillar tan olinmagan respublika edi. Tog‘li Qorabog‘ 2024-yil 1-yanvarda o‘z faoliyatini rasman yakunlaganini e’lon qildi.